Pas suksesit të madh në zgjedhjet e mbajtura sot në Turqi, liderët botëror kanë uruar presidentin e Turqisë, Recep Tayyip Erdogan, për suksesin në këto zgjedhje.
Kryeministri i Shqipërisë, Edi Rama, përmes linjës telefonike ka uruar presidentin Erdogan për suksesin në zgjedhje.
Sipas burimeve presidenciale, presidenti Erdogan falënderoi kryeministrin e Shqipërisë për urimin, transmeton AA.
Kryeministri i Hungarisë, Viktor Orbán, u bë lideri i parë i një shteti të Bashkimit Evropian (BE), i cili uroi presidentin Erdogan për suksesin në zgjedhje. Urime kreu i shtetit turk mori edhe nga presidenti i Azerbajxhanit, Ilham Aliyev, kryetari i Këshillit Presidencial të Bosnjë dhe Hercegovinës, Bakir Izetbegoviq, presidenti i Palestinës, Mahmud Abbas, emiri i Katarit, Tamim bin Hamad al Thani dhe presidenti i Serbisë, Aleksandar Vuçiq.
