Policia e Elbasanit ka identifikuar emrat e dy viktimave, burrë e grua në fshatin Gjegjan të Elbasanit, të cilët gjetën vdekjen nga shpërthimi i gazit dhe flakëve në banesën e tyre. Ata janë Shyqyri Liçi dhe Sabrije Liçi, 65 dhe 60 vjeç.
Policia ka hedhur dyshimet se vdekja e tyre është e qëllimshme dhe autor është 65-vjeçari. Ai vuante nga depresioni dhe gruaja e tij ishte e sëmurë nga skleroza. Gjendja e tyre ishte bërë e padurueshme pas braktisjes prej fëmijëve.
Policia i ka hedhur dyshimet për vetvrasje pasi ka gjetur dy bombola gazi të çmontuara në katet e para të ndërtesës.
