Një kamion është djegur në Qafën e Koshovicës, në dalje të qytetit të Fierit.
Mësohet se kamioni ishte i ngarkuar me birrë. Dyshohet se shkak i djegies së kamionit ishte një shkëndijë elektrike në rrjetin telemektrik të mjetit. Ngjarja ka ndodhur rreth orës 14:00 në aksin rrugor Fier-Levan.
Djegia e kamionit ka shkaktuar çrregullime në qarkullimin e mjeteve. Për disa minuta është krijuar radhë e gjatë e mjeteve që shkonin në drejtim të Vlorës.
Për fat të mirë nuk ka patur dëme në njerëz, por vetëm dëme materiale.
