Ish-kryeministri dhe lideri historik i Partisë Socialiste, Fatos Nano, është rishfaqur, kësaj here në Durrës. Nano ka marrë pjesë në një përkujtimore për luftëtarët e UÇK-së, Ali Ahmeti.
Sa ka zbritur nga makina, Nano është pritur nga admiruesit e shumtë të cilët kanë kërkuar foto me socialistin e vjetër.
Në një prononcim për Ora News, Nano ka thënë se ndihet ende simpatik. I pyetur nëse do rikthehet në politikë, Nano tha se nuk ka për t’u rikthyer në politikën e kulisave.
Pjesë nga intervista:
Fatos Nano: Përgjigjet janë këtu në mes të njerëzve
Mendoni se jeni ende simpatik në radhët e njerëzve ?
Fatos Nano: Pse nuk e dini ju këtë?
Jo nuk e di, po ju pyes juve
Fatos Nano: Ja kam gjysmë orë që bëj selfie
Rikthim i mundshëm ?
Fatos Nano: Unë nuk jam larguar nga politika dhe kjo është një pjesë e veprimtarisë sime.
Po në politikën aktive?
Fatos Nano: Në atë që bëhet prapa kulisave jo, të tjerat si ju dukem me shëndet mirë?
