Menjëherë pas arrestimit, i riu Vilson Brahaj ka pranuar që është ai autori i vendosjes së tritolit në banesën e Gazmir Dacit.
Gjatë marrjes në pyetje nga policia, ai ka pranuar autorësinë, pasi sipas tij i ishte ofruar një shumë parash.
Sipas News 24, ai mësohet të ketë thënë se është i papunë dhe i nevojiteshin lekët.
“Mora 5 mijë euro për të vënë tritol. Pranoj autorësinë e vendosjes së lëndës eksplozive. Jam i papunë nuk kam asnjë të ardhur. Kisha nevojë për para, prandaj e bëra”, kanë qenë këto fjalët e të riut që u arrestua nga policia.
Ndërsa më tej ai ka treguar se ku e ka blerë lëndën plasëse që më pas e vendosi në banesën e Dacit: “Tritolin e kam blerë në Fushë-Krujë”.
“Nuk kam asgjë më Xhelal Dacin, e bërë vetëm se më duheshin paratë. Të atin e Gazmir Dacit e njoh se jetoj në Kamzë”, mësohet të ketë thënë ai më tej.
Brahaj është personazh i njohur për policinë pasi ka precedentë penalë për vjedhje.