Pas deklaratës së kryeministrit Edi Rama se është gati që të përsëritet marrëveshja e 17 majit me Lulzim Bashën dhe se në fillim të shtatorit do të ketë një ofertë për opozitën, ka reaguar kryetari i PD.
Basha shprehet se nuk do të pranojë kurrë që të bëjë koalicion me Edi Ramën. Lideri i opozitës shprehet se detyra e tij është që të largojë Ramën dhe të nxjerrë para drejtësisë politikanët e lidhur me krimin.
Lulzim Basha
Kurrë! Koalicion me Edi Ramën nuk do të ketë kurrë! Detyra ime, e PD është largimi i Edi Ramës nga pushteti dhe nxjerrja e tij bashkë me Tahirin, Gjiknurin, Dakon, Sejdinin dhe të gjithë politikanët e lidhur me krimin para drejtësisë!
