Drejtues të shoqatës së naftëtarëve në Kosovë po e kundërshtojnë taksën rrugore në rrugën e kombit të aplikuar së fundmi nga autoritetet e Shqipërisë.
Naftëtarët nuk janë kundër taksës, por kërkojnë një çmim të arsyeshëm.
Kryetari i Shoqatës së naftëtarëve, Fadil Berjani, ka thënë se taksa rrugore në rrugën e kombit e vendosur nga autoritetet e Shqipërisë është e papranueshme për naftëtarët.
“Sa i përket tarifaave rrugore, ne shoqata e naftëtarëve jemi për pagesë, taksë, por çmimi të jetë i arsyeshëm. Dihet se naftëtarët e shfrytëzojnë shumë rrugën e kombit, sepse furnizimi i derivateve bëhet nga Shqipëria. Ka kompani që brenda një dite i bie që të paguaj taks rrugore deri ne 300 euro, dhe kjo është e pa pranueshme dhe taksë shumë e lartë. Kjo është një kosto shtesë për importin e derivateve ku kjo kosto i shtohet transportit dhe është krejt normale që e rrit çmimin e derivateve”, ka thënë Berjani.
Ai mendon se kryeministri i Shqipërisë, Edi Rama ishte dashur që kosovarët t’i konsiderojë sikur qytetarët e Kukësit, me një taksë ose çmimore të njëjtë./I.Shabani/