Ish-ministri i Drejtësisë, Ylli Manjani e ka nisur javën me akuza ndaj drejtësisë e prokurorisë.
Sipas tij, prokuroria arreston njerëz pa i hetuar dhe i dënon pa prova.
Por Manjani nuk ndalon në akuzat e tij.
Sipas ish-ministrit të Drejtësisë, kjo ’është fiks drejtësia që duan’.
Reagimi i Ylli Manjanit:
Drejtësia e pushtetit.
Prokuroria dhe gjykatat nuk ja përtojnë të arrestojnë e madje edhe dënojnë njerëz pa i hetuar dhe pa prova.
Ndërsa për njerëzit e pushtetit dhe tenderxhinjtë, gjithmonë “po hetohet” dhe në fund “nuk ka prova”...
Nuk ka prova megjithëse shkeljet e ligjeve janë ulëritëse!
Kjo është fiks drejtësia që duan!
Pushteti mbi të gjitha!