Ballkani është rikthyer në qendër të vëmendjes së Uashingtonit dhe Brukselit, sidomos pas zhvillimeve në Kosovë dhe Maqedoni.
Fqinjët tanë presin të japin një zgjidhje për çështjen e emrit me Greqinë, kurse Kosova shpreson që të arrijë një marrëveshje me Serbinë.
Në këtë situatë, gjithmonë e më shumë lakohet ndikimi i Rusisë në rajonin tonë.
Gjermania vazhdon të jetë ‘rojtari’ kryesor i situatës në rajon. Për këtë arsye, ministri i Jashtëm federal, Heiko Maas do të nisë një vizitë në rajon.
Raportohet se të mërkurën ai do jetë edhe në Tiranë.
Përpara se të nisë vizitën e tij, ai ka deklaruar se ka vetëm një Europë.
“Europa nuk ndahet në drejtime, për ne ka vetëm një Europë”, tha ai.