Meta me Mbretin e Jordanisë: Bashkëpunimi të marrë një hov të ri

Shqipëria

Meta me Mbretin e Jordanisë: Bashkëpunimi të marrë një hov të ri

Më: 26 shtator 2018 Në ora: 12:29
Foto nga takimi Meta-Abdullah II

Në kuadër të pjesëmarrjes në punimet e Asamblesë së Përgjithshme të OKB-së në Nju Jork, Presidenti Ilir Meta u takua me Mbretin e Jordanisë, Abdullah II.

Presidenti Meta vlerësoi marrëdhëniet shumë të mira midis dy vendeve, si dhe theksoi rëndësinë që këto marrëdhënie të marrin një hov të ri në të ardhmen.

“Bashkëpunimi dypalësh, veçanërisht në fushën e sigurisë, por edhe interesi në rritje për të bashkëpunuar në aspektin ekonomik apo të shëndetësisë, janë fusha që duhet t’i nxisim e promovojmë më tej”, – nënvizoi Presidenti Meta.

Në mënyrë të veçantë Presidenti Meta vlerësoi angazhimin dhe rolin shumë të rëndësishëm që Mbretit Abdullah II dhe Jordania luajnë për paqen dhe sigurinë në rajonin e Lindjes së Mesme.

Nga ana e tij, Mbreti Abdullah II e vlerësoi shumë bashkëpunimin me Shqipërinë dhe me kënaqësi pranoi ftesën e Presidentit Meta për të zhvilluar një vizitë zyrtare në Shqipëri.

Sot mund të lexoni Shfletoni kopertinat