Skiatorja italiane, Federica Brignone, shënoi fitore në Kupën e Botës në disiplinën e superkombinimit, që u mbajt në Crans Montana të Zvicrës. Ajo zuri vendin e parë me kohë të kaluar për 1:56.09 minuta ose qe më e shpejtë për një sekondë e një qindtën se skiatorja sllovene Ilka Stuhec. Në vend të tretë renditet Michaela Kirchgasser nga Austria me kohë më të dobët për pesë qindtat se pozita e dytë. Në renditjen e përgjithshme të Kupës së Botës, amerikania Mikaela Shiffrin udhëheq me 1203 pikë, duke lënë pas zviceranen Lara Gut (1023) e sllovenen Stuhec (865), kurse në renditjen e përgjithshme të superkombinimit Stuhec kryeson me 180 pikë, 40 më shumë se Brignone.
Rezultatet
1. Federica Brignone (Italia) 1:56.09
2. Ilka Stuhec (Sllovenia) 1.01
3. Michaela Kirchgasser (Austria) 1.16
4. Wendy Holdener (Zvicra) 1.48
5. Marusa Ferk (Sllovenia) 1.93
6. Marie-Michèle Gagnon (Kanada) 2.06
7. Stephanie Brunner (Austria) 2.17
8. Lena Dürr (Gjermania) 2.18
9. Elena Curtoni (Italia) 2.22
10. Federica Sosio (Italia) 2.36
