Tahiri do ta përfaqësojë Kosovën në LOD PyeongChang 2018 - Bota Sot
Tahiri do ta përfaqësojë Kosovën në LOD PyeongChang 2018

Skijim

E hënë, 20 gusht 2018

Tahiri do ta përfaqësojë Kosovën në LOD PyeongChang 2018

Më: 30 janar 2018 Në ora: 18:38
Albin Tahiri

Kosova do të debutojë në Lojërat Olimpike Dimërore PyeongChang 2018, të cilat do të mbahen prej 9-25 shkurt 2018 në Korenë e Jugut

Ekipin olimpik të Kosovës do ta përfaqësojë skitari Albin Tahiri, i cili ka fituar normën olimpike në pesë disiplina të skijimit alpik: sllallom, sllallom i madh, super sllallom i madh, lëshim i shpejtë dhe kombinim alpik

Asnjëri nga skitarët tjerë që ishin kandidat të mundshëm, përkundër dhënies së maksimumit në garat e fundit, nuk kanë arritur të fitojnë normën olimpike A, e cila mundëson pjesëmarrjen në LOD PyeongChang 2018

Komiteti Olimpik i Kosovës ju dëshiron suksese skitarëve në karrierën e tyre, derisa uron Albin Tahirin, i cili do ta shkruajë historinë e Kosovës.

28-vjeçari i lindur në Slloveni, do të bartë flamurin tonë në ceremoninë hapëse (9 shkurt) dhe atë mbyllëse (25 shkurt).

Ekipi olimpik i Kosovës do të udhëtojë për në PyeongChang më 5 shkurt.
Detajet tjera të dorëzimit të flamurit të Kosovës për Albin Tahirin dhe prezantimin para mediave, do të bëhen të ditura në ditët e ardhshme.

Më të lexuarat
Sot mund të lexoni Shfletoni kopertinat
Sondazh
test