Prekëse/ Historia e 22-vjeçares shqiptare, që ndjek ëndrrën amerikane me bursën e adoleshentes së vrarë - Bota Sot
Prekëse/ Historia e 22-vjeçares shqiptare, që ndjek ëndrrën amerikane me bursën e adoleshentes së vrarë

Sociale

E hënë, 27 shkurt 2017

Prekëse/ Historia e 22-vjeçares shqiptare, që ndjek ëndrrën amerikane me bursën e adoleshentes së vrarë

Më: 12 shkurt 2017 Në ora: 08:15
Kristina Leska

Kristina Leska, 22 vjeç, që studion në qytetin e St. Clair Shores, iu dha bursa e studentit në universitetin e Beaumont Grosse në ëayne, në nder të kujtimit të Paige Stalker, një adoleshenteje që ishte vullnetare aty dhe u vra në vitin 2014.

Leska kishte ëndrra të mëdha kur mbërriti në Amerikë. Ajo shpreson t’i bëjë ato realitet pasi përfitoi bursën në nder të studentes amerikanë që punonte si vullnetare në spital.

“Dua të bëhem dentiste”, u shpreh Leska.

Stalker e cila ishte vullnetare në spital që prej moshës 16-vjeçare, mbeti e vrarë pasi ishte duke qëndruar në makinë në zonën e Detroitit me miqtë, kur dikush iu afrua dhe e qëlloi.

Vrasja e saj vazhdon të qëndrojë e pazbardhur, por bursa e saj me vlerë 5000 $ në nder të saj i ka kaluar 22-vjeçares nga Shqipëria.

“Kjo është diçka e dhimbshme sepse ajo kishte plane për të ardhmen e saj, ashtu si dhe unë. Shpresoj që familja e saj të ndihet pak më mirë që një vajzë e re po ndjek ëndrrat e saj me bursën që i takonte bijës së tyre. Kjo bursë më motivon të mësoj më shumë dhe të mos dorëzohem. Unë jam rritur në Shqipëri dhe erdha këtu menjëherë pas shkollës së mesme. Ishte gjëja më e vështirë për mua të largohesha nga vendi që dua dhe të quaj shtëpi Amerikën. Kisha shumë frikë. Por jam shumë e emocionuar pasi ky është një nga vendet më madhështorë të botës”, u shpreh shqiptarja.

Për Leskën ka qenë një udhëtim i gjatë.

Shkenca ka qenë gjithmonë një pasion për Leskën. Por Shqipëria edhe pse një vend i qëndrueshëm është i varfër me mundësi të pakta. Prindërit e saj e mbështetën vendimin e saj për të udhëtuar në Amerikë për një vizë studentore dhe ajo për momentin është duke ndjekur universitetin e Wayne.

Qëllimi i saj sapo ajo erdhi në Michigan, ishte të gjente një karrierë ku mund të bënte një ndryshim në jetën e një populli dhe ndërsa ajo është ende duke eksploruar në fushën e kujdesit shëndetësor, shpreson të diplomohet si një dentiste e ardhshme.

“Nuk ka asgjë më të bukur se të bësh të bukur buzëqeshjen e dikujt. Paige kishte një buzëqeshje të bukur. Ajo ishte gjithashtu vullnetare në universitet si unë”, tha ajo.

Betsy Schulte e cila punon me studentët vullnetarë në Beaumont tha se një ditë pasi Stalker u vra, dikush vendosi një shënim në tavolinn ku ajo ulej dhe aty shkruhej “Paige, na mungon. Ne nuk do të  të harrojmë kurrë. ”

Shënimi vazhdon të jetë ende aty dhe shërben si një kujtim për adoleshenten që donte të bëhej mjeke, por edhe si një frymëzim për studentët si Leska dhe përfituesit e tjerë të bursave të dhëna nga universiteti i Beaumont.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh A pritet të ketë tensione në Kosovë për shkak të akuzave që do të ngritën nga Gjykata Speciale?
    test