Mënyra e vetme se si të bëheni pjesë e Legjionit të të huajve francez është të shkoni në Francë dhe të trokitni në dyert e ndonjërës prej qendrave të rekrutimit “French Foreign Legion”. Kjo është edhe një mundësi që ju të bëheni një shtetas francez përgjithmonë.
Në momentin që hyni, ju do të furnizoheni me akomodim, ushqim dhe rroba falas, e të gjitha këto sigurohen nga Legjioni.
Nuk ka mënyrë tjetër, nuk ka aplikacione online, jo letra si ftesë, jo përmes dokumenteve të ambasadës Franceze, por vetëm të shkoni dhe të trokitni aty.
Ju do të regjistroheni si një njeri beqar edhe nëse jeni i martuar dhe kontrata e parë që e nënshkruani do të jetë në afat kohor për 5 vite.
Kushtet për t’u pranuar në Legjionin e të Huajve janë këto:
– Të jeni mashkull mes moshës 17.5 dhe 39.5 vjet.
– Të keni një dokument të vlefshëm identifikues (letërnjoftim, pasaportën ose çfarëdo)
– Një kopje të certifikatës së lindjes (të përkthyer në Anglisht apo Frengjisht), dhe të mos jetë më e vjetër se 6 muaj
– Nuk duhet të jeni i kërkuar nga INTERPOLI
– Të jeni i fortë fizikisht dhe të gatshëm për të shërbyer në çdo kohë dhe në çdo vend për 5 vite
Këto janë kriteret e vetme që duhet ti plotësoni, ndërsa çfarë nuk kanë absolutisht rëndësi tek Legjioni i të Huajve janë këto:
– Shtetësia juaj (nuk ka rëndësi a jeni Brazilian, Indian, Rus, Japonez, etj)
– Nuk ka rëndësi raca juaj
– Nuk kanë rëndësi njohuritë tuaja për gjuhën franceze
– Nuk ka rëndësi edukimi juaj
– Nuk kanë rëndësi kualifikimet që i keni arritur
– Nuk ka rëndësi statusi shoqëror
– Nuk ka rëndësi statusi profesional
– Nuk ka rëndësi statusi juaj martesor apo familjar
– Nuk ka rëndësi nëse keni qenë pjesë e ushtrisë apo policisë të cilitdo vend
Testet fillestare për t’u bërë pjesë e Legjionit të të Huajve
- Testet psiko-tenike
1) Testet e inteligjencës
2) Testet e personalitetit
- Testet fizike
1) Luc Leger (një garë ritmike me distanca të ndryshueshme prej 20 metrave, ku shpejtësia vendoset në intervale me rritje të shpeshtësisë)
2) Pull-Ups (duhet ti bëni të paktën 5)
- Testet mjekësore
1) Sigurohuni fillimisht që keni dhëmbë të shëndetshëm (maksimumi i dhëmbëve që ju mungojnë duhet të jetë 4 deri në 6)
2) Keni me vete dokumente që tregojnë se nuk vuani nga ndonjë lëndim serioz
3) Siguroni dokumente të sëmundjeve serioze që i keni pasur më herët (edhe nëse tani jeni plotësisht i shërueshëm)
Paisjet dhe gjërat tjera që duhet ti keni me vete kur shkoni në Qendrat e Rekrutimit të Legjionit të të Huajve
1) Të gjitha dokumentet e lartcekura (Dokumentet e identifikimit, …)
2) 3 maica, 3 palë pantallona të shkurtë sportiv dhe 3 palë çorape
3) Një palë patika sportive
4) Rreth 10-15 euro
5) Paisjet e higjienës (shamponin, mjetet e rrojës, pastën dhe brushën e dhëmbëve, peshqirë etj)
Gjërat që ju nuk duhet ti keni me vete
1) Kompjuter/laptop/tablet
2) Kamerë
3) Shumë të madhe parash (300+ euro)
4) Kredit karta
5) Aksesorë të vlefshëm
6) Armë të ndryshme (thikë, pistoletë etj)
7) Veturë apo çelësin e veturës
8) Çelësat e shtëpisë
Viza për në Francë
Udhëtimi, viza ose çdo shpenzim tjetër janë përgjegjësi e juaja.
Nëse juve ju duhet vizë të udhëtoni për në Francë, ju mund të aplikoni edhe për vizë turistike (apo vizë për qëndrim të shkurtër).
Tatuazhet në Legjionin e të Huajve
Ju në momentin e aplikimit mund të keni tatuazhe, por ato nuk duhet të jenë pa vend dhe ofenduese.
Regjistrimi në Legjionin e të Huajve
I gjithë procesi i rekrutimit dhe i përzgjedhjes zgjatë prej 2-5 javë.
Legjioni i të Huajve të Francës pranon rekrutë nga e gjithë bota.
Qendrat Rekrutuese të Legjionit të Huajve janë të hapura 24/7/365 (po pra të gjithë vitin).
Sidoqoftë, regjistrimi për Legjion ndodhë vetëm gjatë ditëve zyrtare të punës, d.m.th nga dita e Hëne deri të Premten, mes orës 08:00 – 17:00.
Qendrat Rekrutuese që janë të vogla mund edhe të jenë mbyllur gjatë natës.
Ku mund të regjistroheni në Legjionin e të Huajve: Qendrat Rekrutuese
Ju mund të regjistroheni në një nga 11 Qendrat Rekrutuese, që janë të kompozura prej 2 qendrave para-përzgjedhëse dhe 9 zyre informuese.
Në momentin që hyni aty, ju do të keni akomodim, ushqim dhe rroba falas.
Karriera në Legjionin e të Huajve
Çdo Legjionar mund të ndërtoj karrierë dhe jo për shkak të diplomave shkollore, apo kualifikimeve profesionale dhe civile, por gjatë ekzaminimeve të ndryshme ushtarake gjatë shërbimit të tij.
Nëse ju keni potencial të madh, nëse jeni të motivuar, punoni shumë dhe jeni serioz, atëherë një karrierë e mirë është shumë e mundur për ju.
Ju mund të ndërtoni karrierë në këto degë:
Specialitetet Luftarake:
– Snajperist
– Vozitës i tankeve
– Ushtar parashutist
– Inxhinier ushtarak
– Artiljer i armëve të rënda
– Hedhës i raketave anti-tanke
– Vozitës i veturave të blinduara dhe të armatosura rëndë, etj.
Administratë:
– Sekretar
– Llogaritar
– Mbështetës teknik, etj.
Komunikim:
– Operator i radiove
– Mekanik i radiove
– Operator i ndërrimeve të telefonave, etj.
Kontroll:
– Vozitës i veturave të lehta
– Vozitës i kamioneve
– Vozitës i kamioneve të artikuluara
– Vozitës autobusi, etj.
Mirëmbajtje:
– Mekanik
– Elektricist
– Saldator
– Moler
– Ekspert i armëve të vogla, etj.
Të ndryshme:
– Paramedik
– Instruktor i edukatës fizike
– Dizajner grafiku
– Muzikant
– Fotograf
– Kuzhinier, etj.
Pyetjet më të shpeshta dhe përgjigjet e tyre:
- A duhet ta dijë gjuhen franceze që të pranohem në Legjionin e të Huajve?
– Jo, nuk është aspak e nevojshme. Pos kësaj, 90% e kandidatëve nuk e dinë gjuhën franceze.
2) A mund të kontaktoj me familjen time?
– Po, ju lejoheni të kontaktoni me familjen tuaj pasi e përfundoni kampin bazik, por vetëm përmes telefonit apo e-mailit.
3) A mund të dal në mbrëmje, gjatë wikendeve, apo kur ka festa të ndryshme?
– Pasi e përfundoni kampin bazik 4 mujor, ju lejoheni të largoheni nga baza ushtarake gjatë kohës suaj të lirë.
4) A mund të përdorë celularë, laptop, apo tabletë?
– Po, edhe kjo pasi që ta përfundoni kampin bazik 4 mujor, ju lejoheni ti blini dhe ti shfrytëzoni ato gjatë kohës suaj të lirë.
5) A ka pushim vjetor?
– Legjioni i të huajve ju ofron ju pushim vjetor 45 ditë gjatë ditëve të punës.
6) A mund të aplikoj më shumë se një herë?
– Në disa raste, Legjioni të ofron që të provoni prapë, nëse ju keni dështuar gjatë procesit përzgjedhës në Aubagne.
Nëse Legjioni ju jep juve një mundësi të dytë apo tretë, ata do ju japin ju edhe një dokument me një titull “INAPTE TEMPORAIRE”, ku caktohet se pas sa kohëve ju mund të ktheheni dhe të provoni prapë.
Por nëse Legjioni nuk ju jep mundësi të dytë, ata do ta japin ty një letër me titullin “INAPTE DEFINITIF”, që do të thotë se Legjioni është i mbyllur gjithmonë për ty.
Legjioni francez i të huajve është pjesë organizative e ushtrisë franceze. Dallimi i vetëm në mes Legjionit të Jashtme dhe ushtrisë së rregullt francez është se Legjionarët janë ekskluzivisht të huajt. Legjioni i të huajve përdorë armët e njëjta sikurse pjesa tjetër e ushtrisë franceze./Wikipedia/Mapo.al/
