Drenica ndal liderin

Drenica është skuadra e cila më në fund ndal serinë e fitoreve të njëpasnjëshme të Trepçës ’89. “Minatorët” dhe ‘kuqezinjtë’ e Skenderajt të dielën në ‘Riza Lushta’, kanë ndarë pikët duke luajtur baras 2-2, në kuadër të xhiros se nëntë të Raiffeisen Superliga e Kosovës në futboll.

Ballafaqimi në mes Trepçës ’89 dhe Drenicës është përshkruar me lojë mjaft të mirë dhe me katër gola të shënuara. Fillimisht Isuf Llumnica zhbllokoi rezultatin në këtë takim duke sjell ekipin vendëse në avantazh prej 1-0, mirëpo, katër minuta më vonë sulmuesi Berat Hyseni barazon shifrat në 1-1.

Ishin sërish nikoqirët që në minutën e 46-të kaluan në epërsi me golin e Izmakut. Drenica nuk u dorëzua dhe sërish në skenë del Hyseni, i cili shënoi golin e barazimit duke ia siguruar një pikë shumë të vlefshme skuadrës së tij.

Karahoda shpëton Ferronikelin

Fitore të jetë të rëndësishme dhe të vështirë ka shënuar Ferronikeli nga Drenasi. Skuadra e Ramiz Krasniqit para tifozëve të vet mezi mundi Llamkos Kosovën me rezultat 2-1.

Ishte sulmuesi Fatih Karahoda, njeriu kryesor i fitores së skuadrës së Drenasit, pasi shënoi dygolësh në minutën e 51-të dhe 82-të, kurse golin e vetëm për mysafirët e shënoi Zeneli (24). Pikët e plota në këtë xhiro i ka arkëtuar edhe Liria, e cila në transfertë mundi Besën e Pejës prej 0-3.

Raiffeisen Superliga / Xhiroja e nëntë

Rezultatet

Besa-Liria 0-3

Trepça ’89-Drenica 2-2

Ferronikeli-Llamkos Kosova 2-1

Dje

Hysi-Vëllaznimi 1-0

Drita-Trepça 4-2

Nesër takohen:

Hajvalia-Prishtina

Tabela

1.Trepça ’89 21

2.Prishtina 16

3.Drita 16

4.Trepça 14

5.Hysi 14

5.Hajvalia 12

7.Vëllaznimi 10

8.Drenica 10

9.Ferronikeli 10

10.Liria 9

11.LLamkos Kosova 6

12.Besa 6.