Berlusconi nuk do e braktisë Milanin - Bota Sot
Berlusconi nuk do e braktisë Milanin

Sporti

E mërkurë, 24 gusht 2016

Berlusconi nuk do e braktisë Milanin

Më: 12 tetor 2012 Në ora: 10:37

Silvio Berlusconi ka bërë të ditur se do të vazhdojë të jetë i lidhur me Milanin duke i dhënë fund spekullimeve sipas të cilave presidenti i kuqezinjve është i gatshëm të shesë një pjesë të mirë të aksioneve të klubit italian.

Ish-kryeministri i Italisë është president i Milanit që nga viti 1986 dhe me të në krye skuadra ka fituar plot pesë Liga Kampionesh. Suksesi në botën e futbollit e ndihmoi Berlusconin të bëhej i famshëm në vendin transalpin në kohën që filloi aktivitetin politik në vitet ’90.

Gjithsesi, në vitet e fundit sukseset nuk kanë qenë të shumta për Milanin dhe Berlusconi ka qenë i zënë me probleme politike dhe ligjore. Për këtë arsye kanë lindur hipoteza se ai po mendon shitjen e klubit ose të paktën shitjen e një pjese të mirë të tij.

Drejtori ekzekutiv i Milanit, Umberto Gandini, i përgënjeshtroi këto hipoteza duke u shprehur: “Berlusconi është një nga pronarët më të përkushtuar që mund të ketë një klub. Jam shumë i sigurtë që ai dhe familja e tij do vazhdojnë të na mbështesin.”

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test