Grushtohet gjyqtari i basketbollit - Bota Sot
Grushtohet gjyqtari i basketbollit

Sporti

E diel, 31 korrik 2016

Grushtohet gjyqtari i basketbollit

Më: 22 tetor 2012 Në ora: 01:15

Gjyqtari, i basketbollit, Xhavit Beqiri e ka pësuar më së keqi në ndeshjen e javës së katërt në elitën e basketbollit të Kosovës, në mes RTV 21 dhe Dritës. Në përfundim të gjysmëlojës së parë ai u grushtua nga basketbollisti gjilanas, Qëndrim Demi.

Drita e Gjilanit ishte rikthyer në momentet e fundit në Superigën e basketbollit të Kosovës, pasi nga garat ishte tërhequr Universi. Por duket se gjilanasit ende nuk janë pjekur sa duhet për garat elite. Në ndeshjen me debutuesit të Superligës, RTV21, kishte disa herë sjellje të pahijshme të basketbollistëve të tyre ndërkaq kulmi u arrit kur basketbollisti Qëndrim Demi grushtoi gjyqtarin Xhavit Beqiri. Ndërkaq në raportin vëzhguesit të ndeshjes të ndeshjes thuhet . “Kur kishin mbetur 25,8 sekonda deri në fund të çerekut të dytë, tek rezultati 50:32 për ekipin vendës, basketbollisti Qëndrim Demi, pas fjalosjes dhe ndëshkimit me gabim teknik, e sulmoi fizikisht gjyqtarin Xhavit Beqiri, me ç’rast edhe loja u ndërpre automatikisht”, shkruan në raportin e delegatit.
“Ne e kemi bërë organizimin si duhet, policia ka qenë prezente dhe nuk ka munguar asgjë. Më vjen shumë keq që ndodhi ky incident, të cilin sigurisht se nuk ka qejf ta shohë askush. Është një gjest absolutisht për keqardhje”, ka thënë drejtori sportiv i 21-shit, Leart Hoxha.
Rreth këtij rasti pritet të merren organet përkatëse, por sipas të gjitha gjasave, Drita do ta humb këtë takim, të katërtin me radhë me rezultat zyrtar 20:0 dhe lojtarët e përfshirë në incident mund ta pësojnë keq.

Komentet
comments powered by Disqus
Sot mund të lexoni Shfletoni kopertinat
Sondazh Çfarë tenton të arrijë Thaçi me përuljen që bëri para lapidarit të serbëve në Grackë të Lipjanit?

    Kërkon të “blejë" paqe me Serbinë

    Të heqë akuzat që janë përfolur ndaj tij

    Të mohoj gjenocidin serbë në Kosovë

    Të duket i mirë para ndërkombëtarëve

    Shiko rezultatet
test