Milan mendon për “pastrime” të reja - Bota Sot
Milan mendon për “pastrime” të reja

Sporti

E diel, 28 gusht 2016

Milan mendon për “pastrime” të reja

Më: 26 tetor 2012 Në ora: 12:57

Sezon i ri dhe nje Milan i ri. Në merkaton e Janarit revolucioni i filluar që në verë me ikjen e disa prej senatorevë të klubit kuqezi si dhe me trasferimin e Zlatan Ibrahimovic dhe Thiago Silva në Paris, mund të vazhdojë, pasi shoqëria italine është duke menduar për të lënë të lirë të tjerë lojtarë.

E përditshmja italiane “Corriere Dello Sport”, zbulon se kësaj herë të sakrifikuarit e “Djajve”, që do të sigurojnë financat e duhura për fushatën e re të blerjeve, do të jenë Kevin Prince Boateng, i cili është vendosur nën shënjestër të Bayern Mynih, Pato që ka rizgjuar interesin e pronarit të Chelsea, Roman Abramovich, si dhe Robinho, i cili është ëndrra e klubit brazilian të Santonsit që në merkaton e verës.

Nëse do të shiteshin, të tre lojtarët do të mbushin arkat e Milanit me 50 milionë euro si dhe do t’i kursenin dhe 30 milionë të tjera ekipit të Berlusconit, që duke parë situatën aktuale të tre futbollistëve gjithçka duket e mundur.

Boateng është kthyer në një cështje të vërtetë në shtëpinë e Milanit dhe mosaktivizimit i ganezit në ndeshjen e Champios League kundër Malagas është një shenjë edhe pse Allegri nuk e aktivizoi për çështje disiplinore. Megjithatë mesfushori që në fillim të sezonit është shfaqur shumë i acaruar kjo dhe për arsyen se nuk po gjen ande akord me kuqezinjtë për rinovimin e kontartës, ku 25-vjeçari ka kërkuar dhe një 2-fishim të pagës sezonale nga 2 milionë euro në 4.

Por duke parë gjendjen e Milanit që nuk dëshiron të shpenzojë shumë, pista për një largim të tij është e mundshme. Gjigandët gjermane të Bayern do ta mirprisnin “Princin” në “Allianz Arena”, ku luan dhe vëllai i tij Jerome Boateng, i cili pak ditë më parë pohoi se ka biseduar me Kevin për ekipin gjerman.

Edhe Pato nuk është më i padiskutueshëm tek ish kampionët e Italisë. Braziliani më shumë kohë po kalon në infermierinë e klubit sesa në fushën e lojës për shkak të dëmtimeve të shumta ku dhe në ndeshjen me Malagan u pa pak dhe jo në formë. Mediat angleze shkruajnë se presidenti i Chelseat Abrahamovic, do ishte i gatshëm të paguante 30 milionë euro për shërbimet e sulmuesit. Në të njëjtën situatë ndodhet dhe Robinho, i cili më 16 tetor është dëmtuar në kofshën e djathtë dhe gjithashtu këtë vit 28-vjeçari nuk është në formën e tij më të mirë. Në Brazil klubi i Santonsit është në pritje për çdo zhvillim të ri që do të ketë në shtëpinë e Milanit, që prej kohësh ëndërron një rikthim të sulmuesit.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test