Fanellat dhe biletat e ekipit modest të Premier Leagues kanë fluturuar, raportojnë drejtuesit e klubit të Stoke City.
Kalimi i Xherdan Shaqiri nga Inter Milano tek Stoke City ka shënuar edhe impaktin e tij ekonomik.
Drejtuesit e klubit pohojnë se fanella me numër 22 që do ta mbajë Shaqiri, ka thyer rekordet e shitjeve, ndërsa edhe interesimi për bileta të ekipit është shtuar tejmase, raporton Sporti 1.
"Efekti ka qenë i pabesueshëm për tifozët, stafin dhe lojtarërt, të gjithë jemi të ngazëllyer per Shaqirin", tha Anthony Emmerson, menaxher i shërbimeve dhe mbështetjes së tifozëve në klub.
"Kjo tregon ambiciet e klubit me angazhuar yje të tilla të botës. Ajo që kemi vërejtur është se biletat kanë fluturuar dhe kemi shumë kërkresa për fanellë të personalizuar me emrin e numrin e Shaqirit", tha ai për Stoke Sentinel.
"Ne kemi menduar se fanela e Bojan Krkiç ishte më e njohur, por mendoj se Shaqiri tashmë e ka kaluar", tha ai.
E gjithë kjo po ndodh, kur Shaqiri ende nuk e ka shënuar as debutimin e tij në Premier League.
