Mbretëron një atmosferë impozante jashtë stadiumit “Elbasan Arena”, mirëpo edhe brenda tij ka lëvizje që paralajmërojnë spektakël sonte. Ndeshja Shqipëri-Portugali luhet sonte në orën 20.45, e vlefshme e grupit I të eliminatorëve për Euro 2016 në futboll.
Në karriget e stadiumit janë vendosur rreth 13 mijë qeleshe dhe 2000 fanella të kuqe, për koreografinë speciale sonte.
Gjithçka është gati për një natë tjetër spektakolare dhe shpresojmë që djemtë kuqezi në fushë do të na dhurojnë një tjetër natë me emocione.
