Sasho Ristovski, është një 28- vjeçar australian nga Melbourne, i cili prej afro një muaj ishte lidhur me 16- vjeçaren Maddison Tilyard, kur makina me të cilën udhëtonin u përplas me një pemë në Laverton North.
Ishte 4 korrik i vitit 2014, kur bashkë me të dashurën po udhëtonin me makinë. Sasho ishte i dehur dhe kishte marrë lëndë narkotike metanfetaminë, kur humbi kontrollin e mjetit.
Nga aksidenti që ndodhi nuk pësoi asnjë dëmtim, por Maddison u arrestua dhe tashmë po gjykohet. Dy ditë më parë, ai u paraqit në gjykatë i penduar me fytyrën e mbuluar nga tatuazhet.
“Doja një kujtim që ta kisha gjithmonë, për atë që kam bërë. Për fajin tim, një person gjeti vdekjen. Kështu do e kujtoj gjithmonë”, thotë i riu.
Në vijim shtoi se nuk pretendon asgjë tjetër përveç burgut, për atë që bëri, “Nuk pata asnjë shenjë nga aksidenti. Dua të paguaj duke e parë veten në pasqyrë”.
Pasi kishte qenë në një festë me Madison, teksa po ktheheshin në shtëpi, i kishte thënë 16- vjeçares, “Dua të të vras sonte”, siç vetë viktima i kishte shkruar në një mesazh shoqeve të saj.
Ristovski shpjegoi në gjykatë se ajo sjellje ishte nën ndikimin e përdorimit të alkoolit dhe drogës.