Kremlini e ka mirëpritur vendimin e Komitetit Olimpik Ndërkombëtar (KON) për të mos imponuar ndalesë kundër të gjithë sportistëve rusë në Lojërat Verore Olimpike në Rio-de-Zhanejro këtë vit, për shkak të përdorimit sistematik të substancave për forcim.
Vendimi i djeshëm i KON-it u lejon federatave ndërkombëtare që secila të vendos vetë për pjesëmarrjen e sportistëve të Rusisë në secilin sport.
Zëdhënësi i Kremlinit, Dmitry Peskov, ka vlerësuar sot se vendimi është “pozitiv” dhe ka bërë thirrje për bashkëpunim më të ngushtë ndërmjet Rusisë, KON-it dhe organizatave ndërkombëtare sportive.
Ky vendim i KON-it u bë pas një varg të raporteve kritike ku dokumentohej programi i përhapur gjërësisht i dopingut i sponzorizuar nga shteti në Rusi, e po ashtu, edhe për përpjekjet e sofistikuara për fshehjen e tij.