Festivali Olimpik PyeongChang 2018 në Prishtinë

Sporti

Festivali Olimpik PyeongChang 2018 në Prishtinë

Më: 12 shkurt 2018 Në ora: 10:40
Festivali Olimpik PyeongChang 2018 në Prishtinë

Bëhet hapja zyrtare e Festivalit Olimpik PyeongChang 2018 dhe Panairit të Sportit Prishtina 2018

Komiteti Olimpik i Kosovës bëri hapjen zyrtare të Festivalit Olimpik PyeongChang 2018, që prej tri ditësh ka filluar në sheshin “Zahir Pajaziti” në Prishtinë.

Krahas Festivalit, do të bëhet edhe hapja e Panairit të Sportit Prishtina 2018, i cili po ashtu do të mbahet në sheshin “Zahir Pajaziti”.

Të dyja këto aktivitete hapen solemnisht në ora 11:00, derisa të njëjtat do të organizohen edhe me rastin e shënimit të 10-vjetorit të Pavarësisë së Republikës së Kosovës.

Pjesëmarrës në hapjen e të dy aktiviteteve, të cilat do ta “pushtojnë” sheshin kryesor të Prishtinës, do të jetë edhe ministri për Kulturë, Rini e Sport, Kujtim Gashi, kurse pjesëmarrjen e kanë konfirmuar edhe personalitete tjera të larta.

Në Panair, pritet të marrin pjesë dhjetëra klube të kryeqytetit, të cilët gjatë tërë ditës do të shfaqin ofertat e tyre para nxënësve të shkollave fillore.

Ndërkohë, në Festivalin Olimpik, në tri ditët e para mbi 1 mijë fëmijë kanë performuar në sportet e patinazhit dhe kërlingut.

KOK-u është bërë Komiteti i nëntë Olimpik në botë që organizon një festival të tillë madhështor, pas shteteve të fuqishme si: Italia, Franca, Belgjika, Holanda, Sllovenia, Republika e Çekisë, etj. Festivali po mbahet krahas Lojërat Olimpike Dimërore PyeongChang2018, të cilat po përcillen në ekranin gjigant të vendosur skaj aktiviteteve.

Sot mund të lexoni Shfletoni kopertinat