Pak ditë pas aksidentit në pistën e Termas, në garën e vlefshme për Çmimin e Madh të Argjentinës në Moto GP, piloti spanjoll Dani Pedrosa është operuar në pulsin e dorë së djathtë. Një ndërhyrje kirurgjikale e papritur për spanjollin e Hondës, që rrezikon të mos jetë në pistën në garën e ardhshme, pas 10 ditësh, në Amerikë. Operacioni u krye sot në Barcelonë, pas mbërritjes së Pedrosës.
Pedrosa vendosi të operohet kaq shpejt, në mënyrë që të jetë gati për garën e radhës, në pistën e Austin, një garë ku Honda gjithnjë ka arritur rezultate të mira. Piloti spanjoll u përfshi në një aksident me Johann zarco që në xhiron e parë të garës së Argjentinës. Kjo nuk është hera e parë që Pedrosa operohet, pasi edhe në vitin 2011 është operuar pas një gare të La Mansh, kur pësoi një aksidenti me Marco Simoncelli.