Tashmë është konfirmuar edhe afati kohor i ndërtimit të urës së shumpërfolur, simbol të qytetit të Strugës.
Komuna e Strugës planifikon që këtë urë ta inagurojë me rastin e festave të Nëntorit, duke realizuar kështu një premtim të mbajtur paraelektoral nga kryetari Sela.
Realizimi i këtij projekti u bë i mundur me mbështetjen e kompanisë “Trim&Lum” dhe përkrahjen e komunës së Strugës, të cilët me këtë veprim i rikthejnë qytetit një objekt simbol dhe shumë të rëndësishëm për qarkullimin e këmbësorëve në dy anët e lumit Drini i Zi dhe për imazhin e natyrshëm të Strugës.
Kryetari Ziadin Sela i shoqëruar nga presidenti i kompanisë “Trim&Lum”, z.Mendi Qyra përmes një konference prezantuan projektin e mirëpritur për qytetin dhe qytetarët.