Me një marsh të qetë protestues banorët e Strugës kërkuan nga Institucionet lokale dhe qendrore zgjidhje urgjente të problemit me deponinë e paligjshme, nga ku më shumë se dy muaj vazhdimisht përhapet tym dhe aromë e pakëndshme.
Ata porositën që pushteti lokal menjëherë të merr masa për pastrimin dhe shuarjen e deponisë në Strugë, ndërsa nga qeveria kërkuan që të caktojnë seancë të jashtëzakonshme në të cilën do të diskutojnë për zgjidhjen e problemit me deponinë në Strugë.
Deponia në Strugë është djegur në festën e Pashkëve, ndërsa edhe pas dy muajve ajo vazhdon të digjet dhe kundërmojë erë të keqe në gjithë qytetin.
Protestuesit paralajmëruan protesta edhe për ditën e shtunë.
