Deponia e Strugës pret zgjidhje - Bota Sot
Deponia e Strugës pret zgjidhje

Struga

E shtunë, 16 dhjetor 2017

Deponia e Strugës pret zgjidhje

Më: 19 gusht 2017 Në ora: 20:02
Deponia e Strugës

‘Sipas vendimit të Qeverisë, në moment është në vijim procedura për furnizime publike për angazhim të kompanisë që do t’a zgjidhë çështjen e deponisë së Strugës. Do të bëhet shtypja e mbeturinave, gjegjësisht përpunimi i saj dhe më pas do të bëhet transporti i mbeturinave në lokacione tjera’, tha zëdhënësi i Qeverisë së RM-së, Mile Boshnjakovski.

Qeveria do të bëjë angazhimin e kompanisë private e cila do të merret me shtypjen, gjegjësisht përpunimin e mbeturinave të deponisë së Strugës. Këtë për Alsat M e deklaroi zëdhënësi i Qeverisë pasi që struganët dhanë një afat dhjetë ditor për zgjidhjen e këtij problemi, gjë të cilën Qeveria dhe komuna e premtuan para thuajse një muaje. Ata thanë se do të blehen dy kontejnerë shtypëse dhe kamionë me të cilët e gjitha mbeturina e Strugës do të transportohej ne deponinë Drislla të Shkupit.

Por, fillimi i punimeve për përpunimin e mbeturinave ekzistuese në deponinë e Strugës hap nevojën për gjetjen e një lokacioni ku do të transportohen ato mbeturina, vend që ishte paraparë të jetë në komunën e Debarcës, gjë të cilën banorët e kësaj komune nuk e pranojnë dhe nga udhëheqësia e kësaj komune thanë se së shpejti kalon afati prej 15 ditësh që i kanë dhënë Ministrit për mjedis jetësor, Sadull duraku, pë tërheqjen e vendimit për ndërtim të një deponie rajonal në komunën e Debarcës.

Në nivel vjetor ky rajon gjeneron 51.000 tonë mbeturina, përderisa sipas analizave deri në vitin 2046 ajo sasi do të mbërijë 61.000 tonë.

Sot mund të lexoni Shfletoni kopertinat
Sondazh
    test