Deponia e Strugës vazhdon të mbetet shqetësim për qytetarët - Bota Sot
Deponia e Strugës vazhdon të mbetet shqetësim për qytetarët

Struga

E hënë, 11 dhjetor 2017

Deponia e Strugës vazhdon të mbetet shqetësim për qytetarët

Më: 5 nëntor 2017 Në ora: 14:11
Deponia e Strugës

Banorët e Strugës ditëve të fundit janë përballur me një tym të dendur dhe erë të keqe që vinte nga deponia e cila vazhdon të paraqes shqetësim tejet të madh për Strugën dhe banorët e saj.

Deponia në fjalë jo vetëm që nuk dislokohet, por dita ditës po bëhet edhe më e madhe, pasi siç shprehen nga sektori joqeveritarë, këtu sillen nga 100 kamionë me mbeturina.

“Thuajse gjysmë viti nga investimi i paralajmëruar nga qeveria prej 12 milionë denarëve për zgjidhjen e problemit me deponinë, tani këtu mbeti vetëm konstruksionet e metalta ku duhet të ndërtohet objekti për kontejnerët ku do shtypeshin mbeturinat dhe më pas të dërgohen në deponinë Drisla në Shkup”.

Ndonëse kryetari i ri i Strugës akoma nuk është ulur në kolltukun e tij, nga Nisma qytetare “Mjaftë”, tashmë kanë dërguar kërkesë deri te Ramiz Merko me të cilën kërkojnë takim urgjent në të cilin do bisedohej për problemin në fjalë.

“Gjëja e parë pasi ta marrë detyrën dhe të fillojë t’i zgjidhë problemet, është të merret me zgjidhjen e problemit më të madh, deponinë. Ajo që kërkojmë është të ndërpriten aktrimet politike, gjegjësisht, të përfshihen të gjitha subjektet politike dhe institucionet që në mënyrë më efikase të zgjidhet problemi”, u shpreh Valentina Jovanoska, “Mjaftë”.

Struganët dhe turistët shpresojnë se problemi do të zgjidhet.

Nismat qytetare nuk e përjashtojnë mundësinë t’i aktivizojnë të gjitha mekanizmat demokratik që kanë në dispozicion nëse nuk arrihet një zgjidhje institucionale e problemit, duke thënë se durimit të tyre po i vjen fundi.

Sot mund të lexoni Shfletoni kopertinat
Sondazh
    test