Teatri Metropol fton fëmijët me shfaqjen ”Zgjohu, vëlla arush”, jo vetëm spektator por dhe protagonistë - Bota Sot
Teatri Metropol fton fëmijët me shfaqjen ”Zgjohu, vëlla arush”, jo vetëm spektator por dhe protagonistë

Teatri

E martë, 20 shkurt 2018

Teatri Metropol fton fëmijët me shfaqjen ”Zgjohu, vëlla arush”, jo vetëm spektator por dhe protagonistë

Më: 24 janar 2017 Në ora: 11:01
”Zgjohu, vëlla arush”

Qendra Kulturore Tirana (Teatri Metropol) do të sjell premierë ”Zgjohu, vëlla arush”, vepra për fëmijë e shkruar nga Janet Stanford, me regji nga Suela Xhonuzi. Është një shfaqje interaktive me publikun, ku fëmijët spektator nuk do të ndjekin vetëm shfaqjen ulur në karrige, por do të bëhen pjesë e saj, bashkë me aktorët Klesta Shero dhe Ibrahim Selishta.

”Fëmijët sepktatorë do të bëhen edhe pjesë e aventurave të motrës arushe dhe vëlla arushit, duke u përfshirë në lojëra dhe argëtim benda në skenë. Fëmijët që do të vijnë në sallën tonë do të kalojnë të katërta stinët bashkë me vëllain dhe motrën arushë, dhe do t’i ndihmojnë ata që të bien sërish në gjumin letargjik. Eshtë një shfaqje e përshtatshme duke filluar që nga fëmijë e moshës tre vjeç dhe argëtimi i tyre do të jetë i sigurt”, thotë Xhonuzi.

Autorja e Janet Stanford e ka menduar me kujdes çdo detaj që ka shkruar. Çdo perceptim do të vijë te fëmijët i qartë dhe me shumë dashuri dhe kujdes nga dy aktorët tanë.

Regjisorja Suela Xhonuzi thotë – “Kjo shfaqje është surprizë edhe për mua, sepse të gjithë fëmijët që do të vijnë në sallë do të bëhen në disa raste aktorë dhe pjesë të caktuara të shfaqjes do të varen nga bashkëpunimi i tyre. Por kam siguri se kjo do ta bëjë akoma më argëtuese për ta, të gjithë shfaqjen dhe ky është qëllimi i vërtetë, që të vegjlit të argëtohen dhe të mësojnë sa më shumë”. Shfaqja shoqërohet me muzikë të Vivaldit.

Shfaqja do të jepet më datë 28-29  Janar ora 11:00 në Teatrin Metropol.

Sot mund të lexoni Shfletoni kopertinat
Sondazh
    test