Që të gjithë e duam Windows-in. Është një sistem operativ fantastik dhe nuk ka dyshim në këtë. Por nëse u themi se Ubuntu është më i mirë?
Mbase mendoni se asgjë nuk është më mirë sesa Windows-i juaj i dashur por në këtë artikull ne kemi identifikuar 5 arsye pse Ubuntu është më i mirë sesa Windows-i.
- Përditësimet e Sistemit dhe Softuerit
Në këtë moment po qëndroni përpara kompjuterit dhe u shfaqet një dritare e cila kërkon përditësimin e sistemit operativ të cilës ju i jepni komandën “Postpone” për të paktën 10 minuta të tjera.
Pas pak një tjetë dritare shfaqet dhe u kërkon të përditësoni Flash Player. A nuk është irrituese?
Kjo ndodh sepse Windows-i ndan veçmas përditësimet e sistemit operativ me ato të aplikacioneve individuale. Krahas sistemit operativ vazhdimisht do të merrni njoftime të përditësimit të aplikacioneve ët instaluara. Shpeshherë njerëzit i fikin përditësimet.
Në Ubuntu historia është ndryshe. Çdo përditësim ofrohet përmes një menaxheri të dedikuar i cili azhornon së bashku sistemin operativ dhe aplikacionet e instaluara. Me fjalë të tjera mund ti menaxhoni të gjitha përditësimet nga një vend i vetëm.
- Siguria
Edhe pse Windows-i ka funksionalitete të shumta të sigurisë, kjo nuk i shpëton faktit se Ubuntu është një hap para në këtë aspekt.
Nisur nga privilegjet e kufizuara të aplikacioneve, instalimi i softuerit në Ubuntu është një proces disaherë më i sigurtë se në Windows. Përdoruesve vazhdimisht u kërkohet fjalëkalimi për instalimin e softuerit.
Por edhe popullariteti i ulët e Ubuntu krahasuar me Windows do të thotë më pak vëmendje nga hakerat të cilët shkruajnë viruse kompjuterike. Megjithatë infektimi me viruse i Ubuntu nuk është diçka e pamundur por që rastet janë sporadike.
- Personalizimi i ndërfaqes së desktopit
Shumë pak mund të bëni kur bëhet fjalë për përshtatjen e ndërfaqes së Windows. Sigurisht versioni më i fundit i sistemit operativ ka sjellur opsione të reja por akoma është shumë larg Ubuntu.
Dëshironi të ndërroni vendodhjen e elementëve të dizajnit? Doni të ndryshoni ikonat? Tekstin dhe pozicionimin e tij? Preferoni efekte të ndryshme pa instaluar softuerë të palës së tretë? Ubuntu i bën të gjitha.
- Resurset e Sistemit
Jo të kanë mundësi të blejnë një kompjuter të mirë. Për disa kërkesa hardueri të versionit më të fundit të Windows-it janë një privilegj që nuk mund ta gëzojnë të gjithë.
Gjatë testimeve kemi vërejtur se sistemi operativ Windows gllabëron dyfishin e memorjes RAM që shfrytëzon Ubuntu. Në një kompjuter me 8GB RAM, Windows përdor plot 1.9 GB RAM. Po në një kompjuter me 2GB RAM?
E thënë ndryshe Ubuntu do të shfrytëzonte 60% të resurseve ndërsa Windows 90%.
- Është falas
Po, sistemi operativ Ubuntu është terësisht falas. Nuk do të kushtojë as edhe një kacidhe të vetme. Edhe Windows 10-ta ishte falas me anë të një promocioni 1 vjeçar nga Microsoft por tani kushton119.99 dollar për ediconin Home dhe 199.99 dollar për edicionin Profesional.
Këto janë goxha para. Pse të mos shkarkoni versionin më të fundit të Ubuntu falas? (PCWorld Albanian)
