Ditën e sotme Microsoft lançoi një version të ri të laptopit Surface Book i quajtur Surface Book i7. Ky laptop i ri merr disa prej tipareve më të spikatura të modelti origjinal dhe i përmirëson më tej.
Një prej tyre është jetëgjatësia e baterisë: Microsoft premton 16 otë jetëgjatësi bateri për Surface Book i7. Panos Panay, shefi i harduerit pranë Microsoft prezantoi laptopin e ri duke u premtuar gamerave frekuencë më të lartë në video lojëra.
Sipas Panay, i7 është ridizenjuar terësisht duke ruajtur stilin e Surface Book. Pavarësisht se nuk dha detaje të harduerit, Panay tha se i7-ta do të ketë dyfishin e performancës së grafikave të modelit paraardhës si dhe 30% më shumë jetëgjatësi baterie.
Në pamje të jashtme i7 është po ai Surface Book-u origjinal. Përmirësimi i harduerit do të vijë së bashku me përditësimin “Creators” të Windows 10-tës në Pranverë. Laptopi do të kushtojë 2,399 dollar.
