Lojërat nuk janë si vera, por disa prej tyre sa më shumë vjetërohen, aq më shumë kërkohen nga nostalgjikët që janë rritur me to.
E njëjta gjë ndodh për ata që janë rritur në vitet ’80-’90 me Nintendo SNES, apo Sony Mega Drive, dy lojërat simbol, që në ato vite kanë ndihmuar mjaft prindër që të mbajnë fëmijët e tyre në shtëpi.
Që të dyja këto pajisje në kohën e tyre më të artë nuk shkonin më shumë se 200 dollarë. Sot ato kanë thuajse dy dekada që janë zhdukur nga tregu, por jo nga memoria e të apasionuarve pas tyre.
Në e-Bay është vënë re muajt e fundit një rritje e pajisjeve (gaming console) Nintendo Snes dhe Sony Mega Drive. Në marketin online nuk gjen pak të tilla, por ndërsa disa janë nën vlerën e 100 dollarëve, ka të tjera që shkojnë në disa mijëra.
Kështu është rasti i një Nintendo SNES i shitur për 1500 dollarë dhe ky nuk është rasti i vetëm. e-Bay thotë se ka patur disa raste kur vlera e tyre ka tejkaluar 3 mijë dollarët dhe kërkesa për këto pajisje është rritur.
