Ministria e Financave dhe Projekti i USAID-it “Komuna Trasparente, Efektive dhe Llogaridhënëse” organizojnë tryezën “E-Prokurimi, Sfidat dhe Mundësitë. Zëvendësdrejtori i Misionit të USAID-it Mike de la Rosa do të hapë diskutimin në kuadër të tryezës së rrumbullakët për e-prokurimin në Kosovë, sfidat dhe mundësitë e tij.
Komunat Transparente, Efektive dhe Llogaridhënëse (TEAM) është aktivitet pesë-vjeçar që synon të mbështesë qeverinë e Kosovës në identifikimin dhe zbatimin e reformave anti-korrupsion, si dhe përmirësimin e transparencës, efektshmërisë dhe llogaridhënies së sistemeve komunale të prokurimit.
Për të kuptuar sfidat aktuale, por edhe mundësitë që platforma elektronike e prokurimit në Kosovë ofron, projekti ka mbledhur në një vend të gjitha palët kryesore (përfaqësues të Zyrës së Kryeministrit, agjencitë e pavarura të qeverisë, komunat partnere të projektit - Gjakovë, Gjilan, Pejë, Prishitnë dhe Vushtrri, por edhe përfaqësuesit e shoqërisë civile dhe komunitetit të donatorëve) që ndikojnë në ose ndikohen nga sistemi i prokurimit elektronik në Kosovë.
