Nuk është më fshehtësi se Apple po përballet me probleme të prodhimit të modelit iPhone X dhe fajtori më i madh për këtë është moduli që ka të bëjë me njohjen e fytyrës.
Bloomberg sugjeron se Apple u ka thënë furnizuesve “që të përmbushin komponentët Face ID të kualitetit më të dobët për të përshpejtuar prodhimin”.
Në raport thuhet se Apple “në heshtje u ka sugjeruar furnizuesve që të ulin precizitetin e teknologjisë për njohjen e fytyrës, në mënyrë që ta bëjnë më të lehtë prodhimin”.
Kompania nga Kupertino ka hedhur poshtë pohimet, duke thënë se kualiteti dhe preciziteti për Face ID nuk ka ndryshuar.
“Pohimi i Bloomberg, se Apple ka zvogëluar precizitetin për Face ID janë plotësisht të pasakta, ndërsa presim që Face ID të jetë standard i ri i artë kur është në pyetje autenciteti përmes njohjes së fytyrës”, thonë në kompaninë Apple.
