Prodhuesi rus i pajisjeve taktike TsNIITochMash kohë më parë ka prezantuar prodhimin e tij më të ri – kombinezonin luftarak, i cili mbron në tërësi nga zjarri dhe shpërthimet.
Në nivelin e tanishëm të zhvillimit, materiali dhe dizajni i rrobave janë të afta që të luftojnë me plumba dhe shrapnel, por është rezistuese edhe ndaj zjarrit të vazhdueshëm për 30 sekonda.
Në kompani shpresojnë se deri në vitin 2020 do të kenë prodhimin final, i cili edhe zyrtarisht mund të bëhet pjesë e programit për modernizimin e ushtrisë ruse.
Ndryshe, shrapnel është predhë thërrmuese e artilerisë, e mbushur me saçma plumbi, që shpërthen në ajër dhe që përdoret për asgjësimin e forcave të gjalla.
