BE kundër Apple - Bota Sot
BE kundër Apple

Teknologji

E premte, 26 gusht 2016

BE kundër Apple

Më: 1 tetor 2012 Në ora: 20:50

Bashkimi Europian është vendosur kundër Apple dhe i kërkon kompanisë amerikane të shtrijë afatin kohor të ofrimit të garancisë për produktet e saj ndaj klientëve europianë në 2 vjet dhe të heqë pagesën për vitin e dytë të kësaj garancie.

Zv/komisionerja për Drejtësinë e Bashkimit Europian u dërgoi një letër 27 ministrave të mbrojtjes së konsumatorit.

Në letrën e saj, zv/komisionerja thotë se Apple ka abuzuar në të paktën 11 vende të BE-së me fushatat e marketingut dhe kërkon që të thellohet hetimi për të zbardhur nëse ka ndonjë abuzim të mundshëm e të dënueshëm të gjigantit amerikan.

Sipas Reding Apple pas përfundimit të vitit të parë të garancisë për të gjitha produktet e saj, vitin e dytë e ofronte kundrejt një pagese. Kjo bie ndesh me rregullat dhe ligjet e BE-së për mbrotjen e konsumatorit.

Në fakt “Apple” ka marrë një gjobë prej 900 mijë eurosh në Itali për shkelje të të drejtave të konsumatorit për rastin në fjalë. Këtij rasti i referohet edhe zv/komisionerja Reding në letrën e saj për ministrat e 27 vendeve anëtare të unionit.

“Nga një rast në Itali vërehet se shitësit, për të bërë që ofertat e tyre të garancisë të duken më tërheqëse, kanë refuzuar të informojnë konsumatorët mbi të njëjtën garanci që e përfitojnë pa pagesë në të gjithë territorin e Bashkimit Europian”, thuhet në letër.

Çfarë rrezikon Apple? Në rast të gjetjes së rasteve analoge edhe në vendet e tjera të Bashkimit Europian, kompania amerikane rrezikon të gjobitet nga një shumë e majme për shkelje të të drejtave të konsumatorit.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test