Twitter bllokon llogarinë e nazistëve të rinj në Gjermani

Twitter ka bllokuar qasjen në një llogari të një grupi të nazistëve të rinj me kërkesën e qeverisë gjermane.

Cicërimat më nuk do të mund të shihen nga përdoruesit në Gjermani megjithëse pjesa tjetër do të jetë në gjendje që t’i shohi ato. Është hera e parë që faqja e rrjetit shoqëror ka përdorur rregullin e tij për kufizim lokal, që erdhi në fuqi në muajin janar.

Ky rregull i mundëson këtij rrjeti që të bllokojë përmbajtje në shtete të caktuara nëse cicërimat shkelin ligjet lokale. Duke lajmëruar vendimin, avokati i përgjithshëm i Twitter-it, Alex Macgillivray tha: “Kurrë mos dëshiro që të refuzosh përmbajtjen; është mirë të kesh vegla për ta bërë atë ngushtësisht dhe në mënyrë transparente.”

Ai publikoi lidhjet e letrës së dërguar nga policia gjermane, e cila kërkon që llogaria të mbyllet.

Grupi ekstremist akuzohet për nxitje të urrejtjes racore

Letra përshkruan se si qeveria kishte bllokuar organizatën Besseres Hannover, (Hanover më i mirë), një grup ky ekstremist i djathtë nga Saksonia e Poshtme.

“Grupi ekstremist është shpërndarë dhe të gjitha llogaritë e tij në rrjetet shoqërore duhet të mbyllen menjëherë”,- thuhej mes të tjerash në letër. Anëtarë të grupit janë akuzuar për nxitje të urrejtjes racore dhe krijim të një organizate kriminale.

Besseres Hannover është akuzuar për lëshimin e kërcënimeve kundër emigrantëve, duke shpërndarë broshura raciste në shkolla në Saksoninë e Poshtme.

Ky grup po ashtu dyshohet për dërgim të videos kërcënuese tek ministri i shtetit për marrëdhënie shoqërore, Aygul Ozkan, i cili është politikan konservator i lindur në Gjermani, familja e të cilit vjen nga Turqia. (PCWorld Albanian)