Kaliforni, përdoruesit e iPhone padisin Apple

Teknologji

Kaliforni, përdoruesit e iPhone padisin Apple

Më: 23 tetor 2012 Në ora: 13:36

Marrëveshja mes Apple dhe AT&T e cila ka filluar në vitin 2007 është përsëri shënjestër e proceseve gjyqësore.

Padia ndaj Apple u paraqit nga përdoruesit e iPhone në Gjykatën e Qarkut, Kaliforni, me pretendimin se kompania ka “mbyllur” pajisjet e tyre, duke mos bërë të mundshme përdorimin e ndonjë operator tjetër telefonik përveç AT&T.

Pajisjet e para iPhone të Apple, iPhone 2 G, 3 G dhe 4 mund të punonin vetëm me AT&T, nëse nuk e kishin një kod special që ja bën “unlock” pajisjes, në mënyrë që atëherë të mund të punojë me një SIM të një operatori tjetër.

Zyrtarët e Apple nuk kanë reaguar për këtë padi

Kompania Apple më vonë filloi të bënte kontrata për iPhone 4 të cilët punonin me Verzion, kurse në vitin 2011 filloi të shiste iPhone të hapur pra që nuk kanë nevojë që tu bëhet "unlock", kurse ende plotësisht Apple nuk i ka hapur iPhone, sepse iPhone 5 dhe 4S punojnë vetëm me tre operatorë.

Zyrtarët e Apple nuk kanë pranuar që të flasin për këtë temë, por le të shpresojmë që Apple ti bëjë iPhone të gatshëm dhe për operatorët e tjerë. (PCWorld Albanian)

Më të lexuarat
Sot mund të lexoni Shfletoni kopertinat