Apple prezanton zyrtarisht iPad Mini - Bota Sot
Apple prezanton zyrtarisht iPad Mini

Teknologji

E shtunë, 27 gusht 2016

Apple prezanton zyrtarisht iPad Mini

Më: 24 tetor 2012 Në ora: 09:20

Më në fund erdhi dita e shumëpritur: Apple ka prezantuar iPad Mini-n. Ashtu siç kuptohet edhe nga vetë emri, është një version më i vogël i të famshmit iPad, me një ekran 7.9 inç. Modeli i ri vjen në dy ngjyra: të bardhë dhe të zezë.

Ekrani pothuajse 8 inç ka një aspect ratio 4:3 dhe sigurisht që i jep tabletit një avantazh konkurrues mbi llojet e tjerë të tabletëve 7 inç. Sipërfaqja është 29.6 inç2 nga 21.9 që është në një tablet 7 inç me 16:9. Ka gjithashtu të njëjtin rezolucion si iPad-i dhe iPad 2, 1,024 x 768.

iPad Mini është 71 mm i hollë

iPad Mini ka një çip A5, të njëjtë me atë të iPod touch-it aktual. Kamera e përparme është 720p, ndërsa ajo e prapme është 5-megapiksel.

Përfshin edhe karikuesin e ri të Apple (new Lightning connector), që u prezantua për herë të parë për iPhone 5. Peshon 310 gram, që do të thotë pothuajse sa gjysma e iPad-it.Është gjithashtu edhe 71 mm i hollë.

Çmimi për iPad Mini fillon nga 329 $ për versionin vetëm me Wi-Fi dhe me hapësirë 16 GB. Modelet me kapacitet më të lartë si dhe opsion 4G LTE janë po ashtu të disponueshme. Çmimet variojnë si më poshtë:

Për versionet vetëm me Wi-Fi:

- 329 $ për 16 GB

- 429 $ për 32 GB

- 529 $ për 64 GB

Për versionet edhe me rrjet 4G:

- 459 $ për 16 GB

- 559 $ për 32 GB

- 659 $ për 64 GB

Eventi për prezantimin e iPad Mini-t u mbajt në San Jose, Kaliforni

Porositjet paraprake fillojnë më 26 tetor. Pajisjet me Wi-Fi fillojnë të shpërndahen më 2 nëntor ndërsa ato me 4G dy javë më vonë. Mbështjellësi i jashtëm vjen në ngjyra të ndryshme, ashtu si dhe iPad-i, duke përfshirë blu, jeshile, pink dhe të zezë.

iPad Mini u prezantua të martën në eventin e përgatitur posaçërisht për të nga shefi i marketingut në Apple, Phil Schiller, i cili e hapi fjalimin me shprehjen “Kemi edhe diçka tjetër për t’ju treguar.” Eventi u mbajt në San Jose, Kaliforni. (PCWorld Albanian)

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test