Gjykata e Arbitrazhit Sportiv në Lozanë (CAS) ka marrë vendimin përfundimtar në lidhje me pezullimin e tenistes ruse Maria Sharapova, që kishte apeluar dënimin prej dy vitesh të dhëna nga Federata Ndërkombëtare e Tenisit (ITF). CAS ka ulur dënimin e ITF nga 24 në 15 muaj, çka do të thotë që bukuroshja ruse mund të rikthehet të luajë në prill të 2017-ës. Shkualifikimi i Sharapovës ka nisur më 25 janar të këtij viti dhe pas vendimit që ka marrë CAS, tenistja ruse mund të rikthehet në fushë prej 26 prill.