Tenisti zviceran ka kaluar tutje në grandslamin e fundit të vitit.
Roger Federer ka mundur pa vështirësi japonezin Nishioka 3-0 me sete, 6-2, 6-2, 6-4. Ndeshja e radhës për zviceranin do të jetë kundër francezit Paire, aktualisht numri 56 në botë.
Edhe Novak Gjokoviq, ka arritur të triumfojë duke e mposhtur 3-1 në sete Marton Fucsovics.
Në konkurrencën e femrave nuk e pati krejtësisht të lehtë Maria Sharapova kundër zviceranes Schnyder. Pas një seti të parë të mbyllur 6-2, seti i dytë shkoi në “tiebreak”, që gjithsesi u fitua nga Sharapova. Në raundin e dytë, ajo do të përballet me rumunen Cirstea.
