Këshilli i komunës së Tetovës në mbledhjen e sotme të 41, shqyrtoi dhe miratoi një sërë Vendimesh që kanë të bëjnë me fushëveprimin e tij.
Fillimisht, pas një debate të gjerë e konstruktiv, këshilltarët miratuan Vendimin për huamarrje afatgjate të komunës së Tetovës, në kuadër të Projektit për përmirësimin e shërbimeve komunale. Bëhet fjalë për bashkëpunim të qeverisë qendrore dhe bankës botërore për zhvillim, nga i cili do të përfitojë edhe komuna e Tetovës, duke realizuar projektet infrastrukturore të ndërtimit të Bulevardit “V.S. Bato” (rruga Industriale) vazhdimi përmes qendrës sportive dhe vazhdimin e Bulevardit të rrugës së Ilindenit në dalje nga Gostivari projekte me qëllim të përmirësimit të infrastrukturës në komunën e Tetovës.
Gjithashtu pas një debate, Këshilli miratoi edhe Vendimin për Memorandumin e bashkëpunimit ndërmjet komunës së Tetovës, Shoqatës për zhvillim ekonomik lokal e rural dhe Projektit USAID për zgjerimin e bizneseve të vogla.
Një vendim tjetër i rëndësishëm që u miratua në mbledhjen e sotme ishte edhe ai për dhënien e ndihmës financiare familjeve të dëmtuara nga vërshimet e vitit 2015, që do të jetë një mbështetje për të gjitha ata që e pësuan nga ato përmbytje me pasoja të dukshme.
Këshilli shqyrtoi dhe miratoi Plotësimin e buxhetit të komunës (rishikimin) për vitin 2016 si dhe Kalendarin buxhetor për aprovimin e buxhetit të vitit 2017.
Në vazhdimin e punës së Këshillit, u shqyrtuan dhe miratuan Programet vjetore për punën e shkollave fillore komunale për vitin shkollor 2016/2017, si dhe Programet për shkollat e mesme komunale dhe të Kopshtit të fëmijëve. Lidhur me këto material u tha se ato janë përgatitur në kohë dhe me cilësi, ashtu siç e parasheh Ligji, andaj edhe u miratuan me shumicë votash.
Në kuadër të kësaj mbledhje, këshilltarët komunal të Tetovës iu qasën edhe shqyrtimit dhe miratimit të një sërë Vendimesh që kanë të bëjnë me legalizimin e objekteve të ndërtuara pa leje sinë qytet ashtu edhe në vendbanimet fshatare që i takojnë komunës së Tetovës. Pas miratimit të këtyre vendimeve, pronarët e objekteve në fjalë u krijohet mundësia që në bazë të ligjit të bëjnë legalizimin e objekteve të tyre të banimit dhe atyre afariste.
