Policia e Maqedonisë gjatë ditës së djeshme realizoi aksion në Tetovë, me ç’ka zbuloi laboratorin më të madh për droga sintetike. Gjatë këtij aksioni u arrestuan edhe gjashtë persona.
Prokuroria Themelore Publike njoftoi se gjatë realizimit të këtij aksioni ka bashkëpunuar me Prokurorinë Themelore dhe Ministrinë e Punëve të Brendshme të Serbisë.
Nënkryetari i Qeverisë dhe ministër i Punëve të Brendshme të Serbisë, Nebojsha Stefanoviq me rastin e aksionit të përbashkët të policisë së Serbisë dhe Maqedonisë theksoi se ky është ndër rezultatet më të mira në konfiskimin e drogave sintetike.
Policia e Maqedonisë ka publikuar pamje nga laboratori të cilat mund t’i ndiqni më poshtë.
