Grykderdhja e vjetër e Lumit Seman, ka krijuar një park natyrorë me një florë të pasur të bimësisë Myzeqare. Është një park i mrekullueshëm, i shpallur Monument Natyre dhe mbrohet si i till.
Ndodhet në rrjedhjen e poshtme të lumit Seman, në fshatin Libofshë rreth 1 m mbi nivelin e detit. Shtrihet mbi shtratin e dikurshëm të lumit Seman, të braktisur prej tij, si pasojë e karakterit tepër endacak të këtij lumi në këtë zonë të rrjedhës së tij.
Eshtë disa kilometra i gjatë dhe me sipërfaqe 44 ha, me drurë që formojnë një ekosistem të veçantë me biodiversitet të lartë.
Është i vetmi pyll autokton në këtë zonë, i cili ruan të gjitha llojet e drurëve me të cilat ka qenë e pyllëzuar Myzeqeja si: vidhi, rrënja, rrapi, verriu, shelgu, frashëri, plepi i bardhë, dëllinja, dafina, dëllinja e zezë dhe shumë shkurre të tjera.
Eshtë një resurs natyror që shërben për turizëm natyror, eskursione dhe piknike të organizuara.
Me shtrimin dhe sistemimin e rrugës që të çon në fshatrat buzë Adriatikut, ky pyll i veçantë është bërë tepër i vizitueshëm.