Pas 11 vitesh, përfiton lejen e legalizimit

^{Brenda një kohë të shkurtër qytetarët kanë mundësi që të marrin zgjidhje për shqetësimet e tyre duke dorëzuar ankesën e tyre në platformën e bashkëqeverisjes “Shqipëria që duam”.}

^{Edhe ministria e Drejtësisë u është përgjigjur ankesave të qytetarëve  përmes kësaj platforme dukë shënuar histori të vërteta suksesi.}

^{Një qytetar nga Durrësi i është drejtuar platformës më datë 27.12.2017, i cili kërkonte të pajisej me certifikatë pronësie pranë ZVRPP së këtij qyteti.}

^{Qytetari pretendonte se kishte aplikuar prej 1 viti e 6 muajsh dhe nuk kishte marrë asnjë përgjigje nga punonjësit e këtij institucioni shtetëror.}

^{Menjëherë pas shqyrtimit të ankesës, ZVRPP Durrës bën me dije se prona e qytetarit është regjistruar dhe se certifikata është gati për tu tërhequr pranë institucionit.}

^{Gjithashtu një tjetër qytetari nga Tirana ju drejtua platformës më datë 8.1.2018 dhe mori zgjidhje me datë 9.02.2018.}

^{Ai kërkonte të pajisej me certifikatë legalizimi pranë Tirana Jug . Dosja e qytetarit kishte 11 vjet që ishte në shqyrtim dhe qytetari nuk ishte pajisur me lejen e legalizimit.}

^{ALUIZNI bën me dije se prona e qytetarit është legalizuar dhe qytetari është pajisur me lejen e legalizimit./ATSH}