Nuk ju duhen më shumë se 10 minuta për të përgatitur këtë sallatë të shëndetshme me lakra dhe kos. Mund ta keni gati në çdo kohë.
Përbërësit:
4 gota lakër e grirë
1 filxhan çaji karota
1/2 filxhan çaji qepë të njoma
½ lugë gjelle selino
2/3 gota kos
1 lugë gjelle lëng limoni
2 lugë gjelle uthull molle
2 lugë gjelle mjaltë
1 lugë çaji mustardë
Kripë
Piper i zi
Përgatitja:
Grini lakrën dhe karotat fillimisht dhe më pas hidhini në një tas mesatar. Në një enë tjetër përgatisni salcën e sallatës.
Shtoni kosin, mustardën, uthullën e mollës, mjaltin, lëngun e limonit, pak kripë dhe piper të zi dhe përziejini mirë.
Hidhni mbi lakra qepët dhe selinonë dhe më pas spërkatini perimet me salcën e përgatitur. Sallata është gati për t’u shërbyer.
