Sidomos në ndryshimin e stinëve mund të ndjeheni pak të plogësht, me pak energji dhe jo me humorin e duhur.
Për të fituar vitalitetin dhe mirëqënien një ndihmë e mirë vjen dhe nga tavolina, falë një sërë ushqimesh që përmbajnë dhe stimulojnë prodhimin e substancave që favorizojnë mirëqënien dhe qetësinë.
Një humor i mirë ndërtohet edhe me dietë.
Çështje kimike
Mes shumë substancave që veprojnë në trurin tonë, dy janë veçanërisht të nevojshme për humorin; dopamina dhe serotonina. Dopamina është neurotransmetuesi që verpon në rregullimin e kënaqësisë, dashurisë dhe stimujve që prodhojnë mekanizmat e motivimit.
Dopamina sintetizohet falë dy aminoacideve, tirosinës dhe fenilalanina, shkruan TCh. Kjo e fundit nuk prodhohet nga trupi jonë, pra duhet ta marrim nga jashë, për shembull nga ushqimet.
Seretonina është në fakt hormoni i qetësisë dhe qëndra e rregullimit të humorit. Sintetizohet duke nisur nga aminoacidi triptofan, nga i cili varet dhe prodhimi i një tjetër hormoni të rëndësishëm, melatonina, që rregullon rritmin gjumë-zgjuar.
Për të aktivizuar këtë mekanizëm janë të nevojshëm karbohidratet pasi stimulojnë prodhimin e insulinës, që lehtëson transportin e triptofanit dhe transformimin e tij në serotoninë.
Omega 3
Janë një mirësi e vërtetë, favorizojnë shëndetin e zemrës, reduktojnë nivelin e kolesterolit në gjak dhe të ndihmojnë në kontrollin e hipertensionit. Këto acide yndyrore kanë një efekt të rëndësishëm edhe në humor dhe janë të nevojshme për të luftuar depresionin.
Vitaminat
Të kesh një nivel optimal vitaminash është e rëndësishme për një shëndet dhe fizik të mirë. Këto substanca, përveç të tjerash, hyjnë në mekanizmin e transformimit të triptofanit në serotoninë.
Nisur nga këto të dhëna ushqimet që na ndihmojnë për një humor të mirë janë tërshëra, drithërat integrale, veza, peshku, frutat, frutat e thata, perimet, sidomos perimet me ngjyrë jeshile, farërat, në veçanti ato të lulediellit dhe lirit, çokollata fondente dhe mjalti.
