Policia e Vlorës ka asgjësuar 12 mijë bimë kanabis sativa dhe ka arrestuar një nga autorët e kultivimit.
Bimët narkotike janë gjetur të kultivuara në fshatrat Dukat, Kudhës dhe Treblovë, të mbjella në zona të vështira, kryesisht në mesin e pyjeve të dendura.
Policia ka arrestuar shtetasin me iniciale A.K., 18 vjeç, banues në fshatin Dukat.
18 vjeçari u kap në flagrancë në një parcelë me rreth 1, 600 rrënjë bimë kanabis, pranë vendit të quajtur "Majat e Gerxhinës".
Po punohet për identifikimin dhe kapjen e autorëve të tjerë përgjegjës për kultivimin e këtyre bimëve narkotike.
