Një 14 vjecar i denoncuar i zhdukur nga familjarët, është gjetur nga policia, pas disa orë kërkimesh nga policia e Vlorës.
I mituri me inicialet A.M u gjet në një internet kafe ku dyshohej sipas policisë së qytetit bregdetar që ka qëndruar për orë të tëra duke luajtur “playstation”.
Ende nuk dihet ku e ka kaluar nxnënësi i klasës së 9 natën.
Më herët, prindërit, pas denoncimit të rastit në polici, deklaruan për mediat se djalin e kishin përcjellë për në shkollën “24 Maji”, dhe prej andej nuk e kishin parë më.
Pas publikimit të rastit, kanë qenë pronarë të internet kafesë që kanë njoftuar policinë për vendndodhjen e adoleshentit.
Njoftimi i policisë:
Policia ka shpallur në kërkim për “Largim nga banesa”, shtetasin A.M., 15 vjeç, banues në lagjen “Pavarësia” Vlorë.
Shpallja në kërkim e këtij shtetasi të mitur u bë pas denoncimit të bërë ditën e sotme nga babai i fëmijës, shtetasi M.M., 48 vjeç, i cili ka kallëzuar se më datë 13.09.2016, fëmija i tij është nisur për në shkollë dhe nuk është kthyer më në banesën e tyre.
Po punohet për gjetjen e tij.
