Partia Demokratike ka zgjedhur kryetarin e degës së Vlorës.
Gramoz Nazëraj do të jetë në krye të demokratëve të këtij rrethi.
Gara brenda demokratëve ishte ndërmjet Nazëraj dhe Kreshnik Bellos.
Dega e PD-së në Vlorë është e çarë në disa fraksione dhe për anëtarësinë fitorja e Nazëraj shihet si një moment i mirë për unifimin e partisë.
Zgjedhjet në degën e Vlorës erdhën pas pezullimit të ish-kreut të kësaj dege, Moisi Meminaj, për shkak të humbjes së thellë të demokratëve në zgjedhjet vendore të 21 qershorit 2015-ë dhe përplasjet e vazhdueshme me kreun e grupit të punës Arben Ristani, raporton “Shqiptarja.com”.
Meminaj ka akuzuar Sekretarin e Përgjithshëm të PD se me pasivitetin e tij gjatë fushatës zgjedhore, i solli PD-së humbje të thellë në të gjithë qarkun e Vlorës.
Më herët PD Vlorë ka riformatuar seksionet dhe grupseksionet, proces i cili u finalizua me zgjedhjet për kryetarin pasditen e kësaj të shtune.